الأخبار
Time: 5:52

حميدتي: الحكومة فيها طابور خامس و(هارون جاب لينا السمعة البطالة)

الثلاثاء, 09 تشرين1/أكتوير 2018 21:08

الخرطوم: سودان تايمز

وصف قائد قوات الدعم السريع السودانية الفريق محمد حمدان حمدتي إتهام الدعم السريع بإرهاب الشباب وترويعهم وحلق رؤسهم في الشوارع بأنه حملة منظمة من من أسماهم الطابور الخامس والمعارضة في الحكومة.

وقال حميدتي في حوار بثته قناة سودانية 24 مساء اليوم الثلاثاء (دي حملة منظمة ضدنا .. ليه ما بقولوا حصل من أفراد القوات المسلحة إغتصاب ولا قتل .. ده شغل معارضة وطابور خامس في الحكومة .. واكتر ضرر لينا الطابور الخامس في الحكومة و احمد هارون اكتر زول اشتغل ضدنا).

وقال حميدتي إن والي شمال كردفان أحمد هارون من أساء إلى سمعة الدعم السريع، وأضاف (هارون جاب لينا السمعة البطالة، لذلك مكانه السجن وليس الولاية. والقصة معه كلها جريمة قتل .. وهل دي أول مرة تحصل جريمة قتل .. جريمة عادية وبتحصل وممكن تحصل من احمد هارون زاتو).

وفي رده على اتهام قوات الدعم السريع بقتل شهداء سبتمبر، قال حميدتي (الشعب السوداني يعتقد إننا قلتنا متظاهري سبتمبر، لكننا لم نشارك وقواتنا كانت في المعسكر ونحن ابرياء)

Last modified on الثلاثاء, 09 تشرين1/أكتوير 2018 21:23
Rate this item
(5 votes)
Read 2259 times

Albaraka Ad 323px

 

 

sarmag

 

تابعنا على الفيسبوك

تابعنا على تويتر

سياسة النشر

sudantimes0001